بداية المقالات ديه موجهة لثلاث فئات:
- اللي عاوز يطور شغله.
- اللي عاوز يعمل مشروع أونلاين.
- اللي عاوز يتخصص في المجال ده ويشتغل فيه.
بسم الله نبدأ ..
التجارة الإلكترونية عبارة عن "عملية بيع أو شراء أوتبادل المنتجات والخدمات والمعلومات باستخدام الانترنت, سواء موقع أو تطبيق, تستخدم فيها بعض الأدوات مثل الدفع أونلاين وخدمة التوصيل".
يعني تقدر تشتري وتبيع عن طريق الانترنت.
لو انت عندك محل موبايل أو أجهزة منزلية تقدر بكل بساطة تبيعها عن طريق الانترنت.
أو لو عندك خدمة بتقدمها زي انك بترسم او طبيب نفسي تقدر تقدم خدمات وتاخد فلوس.
ممكن ميكونش عندك منتجات أو خدمات, بس تقدر تشتغل وسيط بين الزبون والمورد. وأغلب المواقع بتعمل كده وأكبرها زي موقع "سوق.كوم وجوميا" غالبا بيكونوا وسطاء بين الموردين والعملاء وبياخدوا نسبة عن بيع المنتجات, مبيكونش عندهم كل البضاعة. أو زي مواقع الـ freelancer اللي بتتوسط بين العميل ومقدم الخدمة.
أمثلة بيع المنتجات من خلال الانترنت:
- الملابس.
- الأحذية.
- الأجهزة المنزلية.
- الحيوانات وأطعمتها.
- الموبايلات واللابتوبات.
- الأدوات الرياضية.
- الأدوية - الصيدليات.
- الأدوات الصحية.
- أدوات كهربائية.
- الوحدات العقارية.
كل ما يمكن بيعه في المحلات ومراكز التسوق, يمكن بيعه من خلال الانترنت.
أمثلة بيع الخدمات من خلال الانترنت:
- الرسوم المتحركة.
- التصميمات.
- الاستشارات النفسية.
- الأبحاث والدراسات.
- الدورات التدريبية.
- استخراج الأوراق الرسمية.
أيضا معظم الخدمات يمكن تقديمها من خلال الانترنت.
في الحقيقة الموضوع لا يقتصر على موقع وشخص يقوم بإدارته, بعض الشركات اللي بتشتغل E commerce بيبقى فيها ألالف الموظفين وعشرات الإدارات, زي موقع Amazon.com
كفاية كده انهارده والمرات الجاية هنتكلم عن:
- أرباح الشركات في المجال ده, ونسبة الربح اللي ممكن تحققها من خلال الانترنت.
- ازاي تختار المنتجات اللي هتشتغل فيها وتوفرها, "الدعم اللوجيستي".
- آلية التوصيل وايه الشركات اللي تتعامل معاها.
- طرق الدفع, وأزاي تتفق مع بنك للدفع أونلاين.
- ازاي تعمل موقع إلكتروني مناسب فنيا وشكلا.
- ايه التطبيقات اللي ممكن تستخدمها.
- ازاي تستخدم السوشيال ميديا, وايه أفضل المواقع.
- الدعايا مدفوعة الأجر والـ Digital Marketing.
- الإدارات المختلفة, وأزاي تكون فريق عمل محترف, والتدريب.
- إدارة العمليات من الألف للياء.
- أفضل المواقع اللي شغالة في المجال ده ومحققة نجاحات.
- تجارب فاشلة ولماذا فشلت؟
- ايه المشاكل اللي ممكن تقابل الشركات في المجال ده, وازاي تتعامل معاها؟
- الميزانية اللازمة.
وشوية تفاصل تانية.
أشوفكم على خير المقالة الجاية.
إسلام أبوغزالة
00201003641930
1 comments:
يمكن تعريف مواقع التجارة الإلكترونية على أنها مواقع التسوق عبر الإنترنت حيث يقوم البائعون والمستهلكون بتبادل المنتج أو الخدمة لبعضهم البعض بطريقة صحية وتواصلية. هل تريد إنشاء موقع ويب للتجارة الإلكترونية؟ حسنا، بعض التحقيق العملي ومتطلبات وفويلا! لقد فعلتها!
Post a Comment