صديقي العزيز

• صديقي العزيز انا سعيد جدا ان تواصلي معاك زاد اليومين دول. وكان سببه حاجة بتجمعنا كلنا. حاجة بتعيش جوانا , بلدنا مصر.

• صديقي العزيز انا هكون سعيد جدا لم اعرف انك رحت انهارده وأديت صوتك للشخص اللي انت مقتنع به , حتى لو انتخبت شخص غير ابوالفتوح هكون برضه سعيد انك في قائمة الاصدقاء واخترت مرشح غير اللي انا اخترته.

• صديقي العزيز ايان كان المرشح ده وبدون اي تحفظ فانا مؤمن ان كل انسان له عقل وله حرية القرار فأنت حر في اختيارك ايان كان.

• صديقي العزيز , شعوري ايام ما قبل 25 يناير 2011 ان اللي احنا فيه ده حلم مرة ومرة أخرى مسرحية لحد ما شخصين من اصدقائي ماتوا في الاحداث اللي مصر بتمر بها , بعدها أيقنت اني بشارك في صناعة تاريخ. عشان كده لازم تشارك بصوتك لمرشحك. 

• صديقي العزيز , صوتك نقطة بداية لبناء بلد استنفذت خيرات منذ زمن. يعني المشوار كبير اوي يا صديقي.
• صديقي العزيز انتظر اللحظات اللي نحتفل فيها مع بعض.

تحياتي القلبية لك
اسلام ابوغزاله
islam.aboughazala@msn.com
+201142015914